Барок палата со базен и балкон ќе градел на Водно екс премиерот Груевски, тврди обвинителството во „Плацеви на Водно“

Архитектонскиот проект за градбата што сакал да ја гради поранешниот премиер Никола Груевски на Водно, денеска беше презентирана како доказ против него од страна на Обвинителството во случајот „Плацови на Водно“.

Обвинителката Лиле Стефанова на денешното рочиште на судењето за плацевите на Водно го презентираше архитектонскиот план.

Објектот требало да биде на два ката со големи столбови и скали кои воделе до влезот. Одобрение за градба општина Центар дала во 2011-та та година. Требало да ја гради фирма, а според обвинителството, Груевски требало да биде таен сопственик.

Во обвинението за спорната купопродажба на речиси 3 илјади квадрати земја на јавно наддавање од Министерството за транспорт се опфатени и екс началникот на УБК и братучед на Груевски, Сашо Мијалков и бизнисменот Орце Камчев.