24sedum.net

24 седум вести портал

Младоженецот ја украси својата невеста со над 60 килограми златен накит

Невеста од Кина предизвика шок на социјалните мрежи откако се проширија фотографии од нејзината венчавка, на кои таа носи 60 килограми златен накит.

Младата жена од провинцијата Хубеи ги изненади и гостите, но и корисниците на Интернет просторот, носејќи таков тежок накит за време на нејзината венчавка

Се смета дека носењето злато за време на сопствената венчавка носи успех и среќа во бракот во некои култури, но оваа кревка невеста дефинитивно тешко се снаоѓа од тежината. На снимката се гледа невестата облечена во бела венчаница, држејќи букет рози во рацете. Она што е впечатливо во нејзиниот изглед се тешките златни ѓердани и нараквици, „благодарение“ на кои жената едвај се движеше и мораше да побара помош од младоженецот.

Според информациите, како мираз од нејзиниот сопруг, невестата добила 60 златни ѓердани, од кој секој бил тежок околу еден килограм. Заедно со ѓерданите на нејзините раце се наоѓаат и две огромни златни нараквици – подарок од семејството на младоженецот, кој се чини е доста богат.

Еден од гостите се понуди да и помогне на младата жена, но таа со насмевка ја одби поканата и рече дека е добро и дека ќе ги продолжи свадбените ритуали. Локалните жители веруваат дека златото е симбол на среќа, покажува социјален статус и помага против злите духови и лошата среќа.