Ako вyjко нема ковид-пропусница, дали треба да дојде на свадба после 22 часот? Угостителите во Србија не знаат како да ги контролираат гостите од сабота

Воведувањето на пропусниците за ковид создаде целосна конфузија кај угостителите во Србија, но и кај потенцијалните гости покрена голем број прашања.

На многумина не им е јасно како овие мерки ќе функционираат во пракса.

Што мислат угостителите за пропусниците за ковид и какви проблеми создава. Екипата на „Белград на Блиц“ утрово разговараше со Бошко Бубања, пред Ивент Индустри на Србија.

-Се знае кој ја носи одлуката и чиј е последниот збор, но можеби би било подобро да се слуша оваа професија, угостители од терен, што не беше случај овде, а веќе гледаме дека ќе има проблеми во примената на таа мерка. – рече Бошко Бубања.

Мерката настапува во 22 часот во сабота. Ќе важи секој ден од тој временски период а гостите нема да мораат да приложуваат ковид-сертификат.

Тоа би значело на свадбите, конкретно, да ја прекинеме музиката, да одмориме и да ги посетиме гостите да видиме кој ја нема. А ако чичкото од Куршумлија нема такво нешто да бараме да го напушти објектот? Прашува Бубања.

Или во случајов ако вујкото пример кој треба да биде присутен на свадба, а е од Куршумлија, значи дека тој на свадбата ќе треба да дојде по 22 часот? – прашуваат угостителите.

Кој ќе го проверува ова, засега колку што можеме да разбереме, имајќи предвид дека никој не контактирал или не консултирал за ништо односно што треба точно да направат чуварите, вели Бубања, додавајќи дека тогаш треба да се овластат управителите да ги легитимираат луѓето, па да се види како тие би го менаџирале овој процес.

Ние немаме никакви уреди за ова. Да видиме кој има навистина сертификат, а кој нема. Навистина не ни е јасно како ќе можеме да функционираме.

Во последните 24 часа во Србија починаа 59 лица, а потврдени се 7.327 нови случаи на коронавирус. Според локалните медиуми, ова е најголем број починати за еден ден од вирусот.

Епидемиологот Предраг Кон рече дека го поздравува воведувањето ковид-пасоши, но наведе дека тие требало да се воведат порано и дека е незадоволен и тажен затоа што не мисли дека тоа ќе биде доволно и дека медицинскиот дел од Кризниот штаб уште порано предложил построги мерки.

„Епидемиолошката состојба се разви во практично катастрофална, бидејќи никаде немаме сигурен кревет за нови пациенти, така што тие мора да се отпуштат порано за да се добие простор. Ситуацијата е многу, многу лоша“, рече Кон.

Немаме кревети, пациентите порано ги отпуштаме, вели српскиот епидемиолог Предраг Кон.

Кон изјави дека го поздравува воведувањето на ковид-пропусниците, но наведе дека тие требало да се воведат порано, јави дописникот на МИА од Белград.

Тој за ТВ Прва вели дека состојбата е катастрофална. Кон вели дека не постои брз начин да се зголеми бројот на вакцинирани граѓани во Србија за да се добие колективен имунитет. Смета дека вирусот „сериозно е во оптек“ кај децата, така што некои од нив се на респиратор, и дека „легитимното прашање е дали е време да се размислува за онлајн настава“. Кон вели дека „моторот“ на секоја респираторна епидемија се колективите – училиштето, работните, спортските, веселбите, свадбите, ноќните клубови.