24sedum.net

24 седум вести портал

Поради стрeс загубив 6 заби: Светот убеден дека творецот на”Squid game” заработил милиони – вистината сосема поинаква

Иако серијата “Squid game” му донесе на Нетфликс најголема заработка досега, творецот на оваа серија вели дека не се збогатил

Серијата „Squid game“ ги фасцинираше луѓето ширум светот со брзина на светлината.

И додека за некои е премногу насилно и неподносливо за гледање, други со нетрпение ја чекаат втората сезона што доаѓа следната година. Секако, популарноста на оваа серија ја направи главна интернет сензација, а тоа го отвори прашањето кој е креаторот на ова корејско остварување.

Вистина е дека се работи за човек кој 10 години е во личен финансиски пекол бидејќи ниту едно студио не сакало да го прифати сценариото за oвој филм.

Хванг Донг Хиао денес е креатор на најгледаната серија на Нетфликс која му претходеше дури и на „Бриџертон“, па тешко е да се замисли дека во еден момент морал да го продаде својот лаптоп за само 675 долари за да купи храна.

Иако многумина сметаат дека се обогатил и дека сега има милиони, творецот на серијата вели дека тоа воопшто не е вистина.

Имам доволно. Имам доволно да ставам храна на маса. Не е вистина дека Нетфликс ми плаќа бонус. Нетфликс ми плаќа онолку колку што е договорено во изворниот договор.

Околу 132 милиони луѓе гледаа најмалку две минути од „Squid“ во првите 23 дена од емитувањето на серијата, со што беше срушен рекордот на Нетфликс

Хванг вели дека прилично стресно било снимањето на првата сезона, по што тврди дека изгубил дури шест заба.

Немам добро разработени планови за Squid Game 2. Прилично е заморно да се размислува за ова. Сепак, ако го правам тоа сигурно нема да бидам сам. Ќе сакам да имам тим позади себе, додава тој.