24sedum.net

24 седум вести портал

Гласањето заврши – СЕ ОГЛАСИ и АРСОВСKA: Вечерва ќе славиме за поубаво Скопје

Верувам дека успеавме да го оствариме своето лично право да го дадеме својот глас за каква сакаме да биде иднината на Скопје, во првиот круг водев со 8.000 гласови, а во вториот ќе биде поголема бројката на оние лица, кои ќе ја поддржат визијата за модерно Скопје, истакна денеска независниот кандидат за градоначалник на град Скопје, Данела Арсовска, откако го оствари своето право на глас во избирачкото место во општина Ѓорче Петров.

Арсовска потенцира дека изминатиот период наместо натпревар за подобри идеи и визии, била присутна црна кампања, која, како што рече, имала за цел да омаловажи.

– Јас како човек кој што живее во овој град 42 години сметам дека моите пријатели, моето семејство, сите оние кои што ме познаваат, меѓутоа и сите Скопјани кои ја видоа искреноста во мене, го дадоа на овие избори својот глас и се надевам дека вечерва ќе славиме за поубаво Скопје, порача Арсовска.

Арсовска пред вториот изборен круг најави победа со 30 илјади разлика.

Сепак, дали е тоа така, ќе видиме за кратко односно за неколку часа од сега.