Познати првичните резултати: Еве кој каде води во Скопје

Од обработени околу 13 проценти од избирачките места во Град Скопје води независната кандидатка поддржана од ВМРО-ДПМНЕ Данела Арсовска со 59,66 проценти.

Петре Шилегов од СДСМ има 37,13 проценти од гласовите, покражуваат податоците објавени на веб страницата на Државната изборна комисија за резултатите од гласањето на вториот круг од локалните избори.

Во скопските општини, каде што се избира градоначалник, од пребројани околу шест проценти од гласачките места во Чаир води Висар Ганиу од ДУИ, пред Беким Сали од АА/А, во Центар води Горан Герасимовски од СДСМ пред Наташа Котлар од ВМРО-ДПМНЕ и во Карпош води Стевчо Јакимовски од ГРОМ пред Душко Весковски од СДСМ.

Пецаков од ВМРО-ДПМНЕ прв од сите кандидати прогласи победа

Kандидатот на ВМРО-ДПМНЕ за градоначалник на Охрид, Кирил Пецаков, прогласи победа на изборите против Константин Георгиевски од СДСМ.

Стоматологот и пратеник на ВМРО-ДПМНЕ е првиот кандидат што во вториот круг се огласи прогласувајќи победа, и покрај тоа што броењето на гласовите сѐ уште трае.