Директорот на Фајзер соопшти кога би можела да заврши Пандемијата во САД

Членот на одборот на директори на Фајзер д-р Скот Готлиб кажа за Си-ен-би-си дека пандемијата во САД би можела да заврши до јануари.

“До 4 јануари оваа пандемија би можела да заврши. Тогаш влегуваме во ендемската фаза на вирусот“, рече тој. Инаку, 4 јануари е дата кога стапува во сила мерката на администрацијата на Бајден дека сите во фирмите со најмалку 100 вработени мора да бидат вакцинирани.

Да потсетиме, Фајзер вчера соопшти дека неговиот лек против ковид-19 е ефикасен 89 отсто во превенцијата од ризикот за хоспитализација и смртен исход, на што укажуваат првите резултати од клиничките испитувања.

„Преодната анализа покажа дека за 89 отсто се намалува ризикот од хоспитализација и смртен исход во врска со ковид-19 од која било причина во однос на placebo кај пациентите што го примале лекот првите три дена по појавата на симптомите“, наведува Фајзер во соопштението, пренесува Франс прес.

Овие резултати ги надминуваат тие што ги објави Мерк енд ко за својот лек молнупуравир, за кој се покажа минатиот месец дека ги преполови изгледите за смрт или хоспитализација за пациентите заболени од ковид што имаат висок ризик за тешко заболување.

Антивирусните лекови претставуваат додаток на вакцините кои штитат од ковид-19.

Првите резултати на Фајзер се засновани на клиничките испитувања на нешто повеќе од 1200 пациенти што имале ковид-19 и ризик за развој на потежок облик на болеста како што се дебелината или возраста. Неколку дена по појавата на првите симптоми дел од нив го примиле лекот на Фајзер, а другите placebo.

Се покажа дека 0,8 отсто на тие што го добија лекот на Фајзер во рок од три дена од појавата на симптомите биле хоспитализирани, а никој од нив не умрел во период од 28 дена од третманот. Во споредбената група за плацебо-пациенти такви имало 7 отсто со седум смртни случаи.

Конечните податоци ни од Фајзер ни од Mercka уште не се достапни. Фајзер објави дека планира првите резултати за својот лек „колку што е можно порано“ да ѝ ги предаде на Американската агенција за храна и лекови (ФДА), пред да побара авторизација.

Оваа објава на Фајзер стигна само еден ден откако е објавено дека Обединетото Кралство стана првата држава што го одобрила лекот молнупиравир против коронавирусот, кој го разви американската фармацевтска компанија Мерк енд ко.