НОВИОТ ГРАДОНАЧАЛНИК НА ЊУЈОРК ЌЕ ЗЕМА ПЛАТА ВО БИТКОИН „Градот ќе стане крипто-центар“
Новоизбраниот градоначалник на Њујорк, Ерик Адамс, вели дека ќе ги земе првите три плати во биткоин, следејќи го примерот на градоначалникот на Мајами.
Адамс на Твитер напиша дека сака неговиот град да биде „центар на индустријата за криптовалути и други брзорастечки, иновативни индустрии“, јавува Си-нет.
„Во Њујорк секогаш одиме на големо, па ќе ги земам првите три плати во Биткоин кога ќе станам градоначалник“, се пофалил тој.
Miami's Mayor Says He'll Take His Next Paycheck in #Bitcoin
in response New York City mayor-elect Eric Adam vows to take first 3 paychecks in #Bitcoin
Both mayors are also planning to make their city crypto capital.
Thats what's happening in the US. When 🇮🇳 ? pic.twitter.com/UGiX3Nkdf8
— Crypto India 🔑 (@CryptooIndia) November 5, 2021
Но, можеби сега и не е најдоброто време градоначалник во САД да одобрува дигитална валута особено откако во целата земја се засилува контролата на берзите за криптовалути. Сепак, биткоинот можеби е во пораст во градот на Големото јаболко. На 19 октомври, „ProShares“, фирма за управување со вложувања, го лансираше „Bitcoin Strategy ETF“, првиот берзански фонд поврзан со Bitcoin кој влезе на Њујоршката берза.