(ВИДЕО) Повторно се отвори kратер на патниот правец Дебар-Маврово

Повторно се отвори дупката кај Долно Косоврасти, на патниот правец Дебар-Маврово, која се отвори на 16 октомври.

Поради тоа, сообраќајот на овој дел, на делница Дебар-Жировница, се одвива неизменично по оспособена девијација.

-Кратерот, односно пропадната дупка ја забележа наша екипа во 2:30 часот. Таа се наоѓа на истото место на онаа која беше на 16 октомври. Истата е со длабочина од над 20 и широчина од 6 метри. Сообраќајот го оспособивме по истата девијација, како и пред два месеца.

Работиме на пополнување на кратерот со материјал-песок, ја пренесува МИА изјавата на Деар Лиманоски, раководител на дебарската секција на ЈП за одржување на магистрални и регионални патишта.

Според најавите, сообраќајот се очекува да се нормализира за неколку часа.

извор: mms.mk